ឯកឧត្តមវេជ្ជបណ្ឌិត សុខ ផេង និង ឯកឧត្តម សុខ ពុទ្ធិវុធ អញ្ជើញដឹកនាំកិច្ចប្រជុំស្ដីពីការរៀបចំហែក្បួនបិទយុទ្ធនាការឃោសនាបោះឆ្នោតនៅឃុំទាំង១៤ ទូទាំងស្រុកទ្រាំង
តាកែវ៖ នាល្ងាចថ្ងៃទី២ ខែមិថុនា ឆ្នាំ២០២២ ឯកឧត្តមវេជ្ជបណ្ឌិត សុខ ផេង សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកទ្រាំង និង ឯកឧត្តម សុខ ពុទ្ធិវុធ សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានក្រុមការងារយុវជនគណបក្សប្រជាជនកម្ពុជាក្រសួងប្រៃសណីយ៍និងទូរគមនាគមន៍ និងជាអនុប្រធានក្រុមការងារគណបក្សចុះមូលដ្ឋានស្រុកទ្រាំង ខេត្តតាកែវ បានអញ្ជើញដឹកនាំកិច្ចប្រជុំស្តីពីការរៀបចំហែក្បួនបិទយុទ្ធនាការឃោសនាបោះឆ្នោតនៅឃុំទាំង១៤ ទូទាំងស្រុកទ្រាំង ការជំរុញការធ្វើឯកសារបញ្ជាក់អត្តសញ្ញាណ របស់សមាជិកគណបក្សប្រជាជនកម្ពុជា និងការពង្រឹងសន្តិសុខសណ្តាប់ធ្នាប់ក្នុងមូលដ្ឋាន ពីពេលនេះរហូតដល់ថ្ងៃបោះឆ្នោត ដោយមានការចូលរួមពីគណៈកម្មាធិការគណបក្សស្រុកទ្រាំង គណៈកម្មាធិការគណបក្សឃុំទាំង១៤ នៅស្នាក់ការគណបក្សស្រុកទ្រាំង។
